LEGAZPI CITY-Uminabot na sa 52 barangay an apektado kan mahiwasang ashfall huli sa padagos na aktibidad kan Bulkang Mayon kan Mayo 2, 2026, susog sa Office of Civil Defense (OCD).
Basado sa report kan Philippine Institute of Volcanology and Seismology (PHIVOLCS), magkakasunod na volcanic activity an nagresulta kan mahibog na abo na buminagsak sa manlain-lain na lugar sa Albay.
Nagkaigwa ini nin lava collapse sa summit poon alas-4:28 nin hapon na nagkwasa kan Pyroclastic Density Currents (PDCs) na uminabot sa Mi-isi Gully asin southwest na parte kan Bulkan.
Segun sa Phivolcs, nagtetenir na nasa alert level 3 an Bulkang Mayon, indikasyon kan magmatic unrest asin posibilidad kan peligro kaini, kun kaya mahigot an patanid kan ahensya na likayan an paglaog sa 6 km Permanent Danger Zone (PDZ).
