Nag-apela an kampo ni dating Presidente Rodrigo Duterte kontra sa desisyon kan International Criminal Court (ICC) na kumpirmaron an mga kasong ipigsunad kontra saiya.
Sa isinumiter na 18-pahinang dokumento sa ICC Pre-Trial Chamber I, ipigduon kan depensa na nasala suboot an hukuman sa pagtugot na umusad an kaso, asin inapod ining “impermissibly flexible” sa pagbilog nin mga akusasyon.
Segun sa kampo ni Duterte, bako malinaw an ebidensya na nagin basehan kan korte sa pag-aprubar kan mga kaso, na suboot posibleng maka apektar sa pagigin patas asin matanos na dalagan kan paglilitis.
Nahahampang si Duterte sa tulong counts nin crimes against humanity katakod kan mga paggadan sa irarom kan saiyang war on drugs, asin presenteng nakakulong sa The Hague puon kan Marso 2025.
Mientras tanto, nabilog na man an Trial Chamber III kan ICC na makapot sa kaso, na magseserbing masunod na yugto kan pagdangog kontra sa dating presidente.
