Sinierto ni Senate President Pro Tempore Ping Lacson na igwang bastanteng pondo an Senado para sa posibleng impeachment trial kontra ki Vice President Sara Duterte.
Segun ki Lacson, na chairman kan Senate Committee on Accounts na maabot sa poco mas o menos P26 million an posibleng magamit sa P27 milion na itinagama sa irarom kan 2025 General Appropriations Act (GAA).
Paliwanag kan senador na nasa “continuing appropriations” an pondo kaya pwedesir ining gamiton sa laog nin duwang taon.
Ipigheras man ni Lacson na nasa poco mas o menos P500,000 na an nagastos kan Senado kan enot na maresibe an Articles of Impeachment kontra ki VP Sara kan nakalihis na taon.
Preparado man suboot an Senado kun enkasong maisumiter liwat an impeachment case hali sa Kamara de Representantes asin sinierto na nakabase sana sa ebidensya an magigin pagkapot kan mga senador sa kaso kan bise presidente.
