LEGAZPI CITY- Pinag-aantisiparan na ngunyan kan mga paraoma an posibleng epekto kan El Niño sa nacion.
Segun ki Federation of Free Farmers Chairman Leonardo Montemayor sa intrevista kan Bombo Radyo Legazpi na dapat na kinakaipuhan nin magayon na tyempo sa pagtatanom ngani na makapag ani an mga paraoma antes pa man an pinakamatinding epekto kan tag-mara.
Dapat suboot na magpaluwas nin abiso an Department of Agriculture asin an gobierno sa mga paraoma kun nuarin an pinaka ‘advisable’ na magtanom.
Sa siring na paagi, masi-sierto na dae malulugi an mga paraoma kun aabuton nin El Niño antes an panahon kan anihan.
Napag-araman man na sa presente, igwang mga lugar sa norte an nag-anunsyo na nin state of camality huli sa tagmara, kun sain pinaka apektado an mga pananom na mais.
Mientras tanto, dapat man suboot na masierto na igwang naka handa na relief goods an gobiero na ipapanao sa mga paraoma na maaapektaran an kabuhayan huli sa pinaglalaoman na matinding init kan panahon.
