LEGAZPI CITY—Padagos an pangapudan kan grupo nin mga paratukdo para sa desente asin nakabubuhay na sweldo kawsa kan nagpapadagos na namamateang krisis sa nacion.
Segun ki Alliance of Concerned Teachers Chairperson Ruby Ana Bernardo, sa intrevista kan Bombo Radyo Legazpi, kahagadan kan grupo an P50,000 na sweldo para sa entry-level sa Teacher I siring man na gibohon nang P5,000 an saindang economic relief allowance.
Importante suboot na madugangan an sweldo kan saindang sektor urog na ngunyan na may krisis sa nacion, krisis sa edukasyon, asin nganing matawan nin motibasyon an mga paratukdo na magtenir sa saindang trabaho.
Sinabi man ni Bernardo na dae sinda maduwang isip na mag-mass leave kun dae masisimbagan kan gobierno an saindang mga pangapudan.
Dugang niya na mantang pigrekognisar ninda an pagka-promote sa posisyon kan nagkapirang paratukdo na inantendiran pa ni Presidente Ferdinand Marcos Jr., ipigdoon niya na bako ini bastante asin an pinakaepektibo man liwat suboot na paagi nganing pasalamatan an mga paratukdo an sa paagi kan paghalangkaw sa saindang sweldo.
Mientrastanto, nakatalaan man na makisumaro an nasabing grupo sa pagmartsa kan manlaen-laeng sektor sa Mayo 1, Labor Day para sa saindang mga pangapudan na gigibohon sa Maynila.
