LEGAZPI CITY-Gadan an limang katawo makalihis na maaksidente an sarong pulis mobile sa Quezon City.
Segun kay Police Major Jennifer Ganaban, an public information chief kan Quezon City Police District, na an mga nagadan, mga persons under police custody.
Nangyari an insidente pasado alas-11 nin aga ngonian na aldaw nin Biyernes, Abril 24, 2026.
Basado sa inisyal na imbestigasyon, sumalpok an police mobile sa pader makalihis na mawaran suboot ini nin preno sa parte kan Payatas Road, Quezon City.
Pasiring ini sa Payatas Jail para sa mga commitment kan mga persons under police custody.
Irido man sa insidente an apat na pulis asin sarong persons under police custody na padagos na pigbubulong sa ospital.
Padagos an pigsasagibong imbestigasyon kan mga otoridad sa nasabing insidente.
