LEGAZPI CITY—Nagtutubod an sarong grupo nin paratukdo na makusog an mga ebidensya asin mai-impeach liwat si Vice President Sara Duterte katakod kan nagpapadagos na hearing kaini sa House Committee on Justice.
Segun ki Alliance of Concerned Teachers (ACT-Teachers) Partylist Former Representative France Castro, sa intrevista kan Bombo Radyo Legazpi, na igwa na suboot nin supisyenteng probable cause para sa impeachment kaini kun sain nahilingan na nin betrayal of public trust enot pa sana basado sa hearing sa confidential funds kan bise. Siring kan ipigpapabalik kan Commission on Audit an nasa P73M na disallowed confidential funds kan bise kan taong 2022 magin an ipigpapabalik kan COA an nasa P375 million na confidential funds kan Office of Vice President kan 2023 kun sain dae sinunod kan bise an procedure sa paggamit kaini.
Dugang niya kabale man an halatang paghalangkaw kan Statement of Assets, Liabilities, and Net Worth (SALNs) ni VP Sara na ibinugyagyag sa pagpadagos kan hearing kan House Committee on Justice sa impeachment case kan nasabing opisyal.
Sinabi man niya na pwedesir pang madugangan ini sa mga hearing kan House Committee on Justice sa masunod na hearing kun sain ididiskotir an mga patanid kan bise sa mga haralangkaw na opisyal siring ni Presidente Bongbong Marcos, First Lady Liza Marcos, asin Leyte Rep. Ferdinand Martin Romualdez.
Nagmamawot man si Castro na liwat na magdangog an namamanwaan sa huring hearing kan House Committee on Justice sa impeachment case ni VP Sara sa April 29 nganing makapagdesisyon an komite basado sa mga testimonya asin mai-impeach an bise presidente.
