Sinabi ni Senate President Vicente “Tito” Sotto III na posibleng punan kan Senado an impeachment trial laban ki Vice President Sara Duterte duwang semana makalihis na maresibe an mga articles of impeachment hale sa hababang kapulungan kan Kongreso, kun maipapasar ini sa enot na semana kan Mayo.
Segun ki Sotto, pwedesir mag-convene tulos an Senado bilang impeachment court makalihis na maresibi an reklamo hale sa Kamara de Representantes, asin magpoon nin mga preparasyon para sa paglilitis, na aaboton nin poco mas o menos duwang semana.
Kasabay kaini, pigdoon niya na tulos na mahiro an Senado sa anuman na impeachment complaint “forthwith” susog sa 1987 Constitution.
Pigsierto man kaini na magigin patas an senado sa proseso asin pig-agyat an mga senador na posibleng magin senator-judges na magtenir na warang pigkikilingan, sa ibong kan saindang mga political affiliations.
Pinahimutikan man ni Sotto an mga alegasyon may nakaayos na boto laban ki VP Sara Duterte, asin nanindugan na sala an pagpalakop kan siring na mga alegasyon huli ta nakakaraot ini sa institusyon.
