Nagpagirumdom an Philippine Health Insurance Corporation (PhilHealth) sa saindang mga miyembro na pwedesir sindang mag-avail nin benefit package para sa heat-related illnesses sa tahaw kan mainit na panahon.
Segun sa state insurer, pwedesir ma-avail an benefit packages para sa mga komun na helang na may kinaaraman sa tig-init sa mga accredited na ospital kan Philhealth sa bilog na nasyon, na makakatabang na mabawasan an mga gastos na hale sa bulsa kan mga pasyente.
Para sa heat stroke, heat exhaustion, heat collapse, heat cramps, asin sunstroke, pwedesir makakua nin P12,675 na benefit package.
Para sa heat fatigue, asin iba pang epekto kan init asin liwanag an maabot sa P18,135, mantang para sa moderate to severe dehydration, pwedesir makakua nin P7,800 na benefit package.
Para sa Varicella/chickenpox na warang komplikasyon – P7,800 para sa Typhoid fever – P19,500 para sa sore eyes/conjunctivitis- P16,575, infectious diarrhea/acute gastroenteritis – P11,700 asin kun igwa nin toxic effect sa kontak sa sira asin iba pang marine animals arog kan jellyfish, sea anemone, shellfish asin starfish – P11,115.
Nagpagirumdom man an state insurer na sakop kan Outpatient emergency Care Benefit Package an mga emergency health care needs arog kan heat-related asin iba pa na pwedesir makua sa accredited Level 1-3 hospitals.
Segun ki PhilHealth President at CEO Dr. Edwin Mercado, preparado an state insurer na protehiran an lambang Pilipino sa paagi kan pagseguro na an mga benefit packages an abilable saen man sinda asin ano man an panahon.
 has reminded its members that they can avail of a benefit package for heat-related illnesses amid the hot weather.){kind=link}