Sarong bank robbery sa Naples, Italy an nagresulta sa dakulang police operation makalihis an pag-hostage kan mga armadong kalalakihan sa nasa 25 katawo sa laog kan bangko kan Huwebes, oras sa Italy.
Basado sa report linaog kan mga suspek an sarong sangay kan Crédit Agricole.
Tulos man na nagrespunde an kapulisan asin pinalibutan an establishimento mantang nangyari an hostage situation.
Sa laog nin haros duwang oras, nakipagnegosasyon an mga otoridad hasta sa mapalaya an gabos na mga bihay ala-1:30 nin hapon (local time).
Wara man na matinding nakulugan sa insidente, alagad igwang nagkapirang mga bihag an tinawan nin medical assistance huli sa trauma.
Basado sa mga nagluwas na video na pinasa kan mga bumbero an bintana ngani na tabangan na makaluwas an mga tawo.
Nagkondusir man nin assault an special forces alagad nadiskubre na nakadulag an mga suspek sa paagi kan sarong tunnel, na posibleng konektado sa sewer system.
Dae pa man maaraman an kabilugan na kantidad kan hinabon huli ta bako cash an target kan mga suspek kundi mga personal safety deposit boxes.
Nagpapadagos man an imbestigasuon asin manhunt operations sa mga suspek.
