LEGAZPI CITY-Kinumpirma kan Malacañang ngonian na aldaw nin Miyerkules, Abril 15, 2026, an pagdemitir sa pwesto ni Eduardo Año bilang National Security Adviser.
Segun kay Presidential Communications Office Undersecretary Claire Castro, tinanggap na ni President Ferdinand Marcos Jr. an saiyang resignation.
Tulos man na isinalida si dating Armed Forces chief Eduardo Oban Jr. ngani pamayuhan an National Security Council, na nagmarka kan makaskas na transisyon sa pamumuno sa seguridad kan nacion.
Si Año, na dati nang nagserbing kalihim kan Department of the Interior and Local Government sa irarom kan administrasyong Duterte, nag-retiro makalaihis an labi tulong dekada kan serbisyo sa militar asin sa gobierno.
An biglaang pagbabago sa liderato kan National Security Council, isinagibo sa tahaw kan mga sensitibong isyu sa seguridad, kaiba an nagpapadagos na tensyon sa West Philippine Sea asin mga peligro sa laog kan nacion.
