LEGAZPI CITY- Sinabi kan sarong Peace Studies Professor na an pag-atras kan Iran asin Estados Unidos sa enot na parte kan peace talks an nagpapahiling na parehong magabat an demand kan duwang lado.
Segun ki Bicol University International Peace Studies Professor Dr. Herbert Rosana sa intrevista kan Bombo Radyo Legazpi na saro sa mga pinagkakahaditan ngunyan iyo an pronoucement ni US President Donald Trumo na pagharang sa mga barko na maagi sa Sraith of Hormuz.
Paliwanag kaini na posibleng magresulta an lakdang sa panibago na naman na pagka antala kan deliveries nin langis na makaka apektar sa pang kinaban na ekonomiya.
Nahihiling man suboot na pigagampanan kan Pakistan an saindang parte na maging tagapamagitan kan duwang nacion, alagad dae natitinag an paninindugan kan Iran asin Amerika.
Marurumduman na napili an Pakistan na magin mediator huli sa pagigin ugos kan relasyon kaini sa parehong mga nacion.
Mientras tanto, sinabi ni Rosana na posibleng masundan man liwat an nasabing mga pag-oolay na pangkatoninongan alagad magigin padifisilan an pagtatapos kan presenteng kariribukan.
