Nangapudan an Philippine National Police (PNP) sa Department of Social Welfare and Development (DSWD) para sa mas marhay na koordinasyon asin magkakanigong kooperasyon nganing maibitaran an posibleng pagdakol asin pagkapano kan mga youth shelter sa tahaw kan mahigot na implementasyon kan enhanced curfew hours sa mga komunidad.
Segun ki PNP Chief PGen. Jose Melencio Nartatez Jr., katuyuhan kaini na maipahiling na an implementasyon kan mga ordinansang ini iyo an pagprotehir sa mga jovenes asin bako nganing malagpasan an mga eksistidong sistema.
Pigsierto man kan PNP na an gabos na jovenes na madadakop na nagbabalgar kan curfew hours an makakaresibe nin magkakanigong pag-ataman sa mga youth shelter na ini.
Magigirumduman na pig-aagyat kan nagkapirang grupo si Department of the Interior and Local Government Secretary Juanito Victor “Jonvic” Remulla na pag-isipan liwat an implementasyon kan mahiwas na curfew hours huli sa posibilidad na posibleng magresulta ini sa kariribukan asin pag-arestar.
Mientrastanto, piglinaw ni Nartatez na an implementasyon kan mga nasabing lakdang iyo an pag-ingat asin pagprotehir sa mga jovenes sa mga mararaot na elemento asin mga sindikato asin bako na magin paagi nin pagpadusa sa mga ini.
 has called on the Department of Social Welfare and Development (DSWD) for better coordination and proper cooperation to avoid the possible increase and overcrowding of youth shelters amid the strict implementation of enhanced curfew hours in the communities.){kind=link}