LEGAZPI CITY- Dakol na mga aktibidad an ipigkondusir sa manlain lain na parte kan nacion bilang parte kan komemorasyon kan ika-84 taon kan Araw ng Kagitingan.
Segun ki Eufemio Agbayani III kan National Historical Commission of the Philippines sa intrevista kan Bombo Radyo Legazpi na an mga istorya kan mga nakipaglaban para sa nacion durante kan fall of Bataan an nagpapahiling kan kagitingan na maiheheras sa masunod pang mga henerasyon.
Marurumduman na kan World War II, rinibong mga suldadong Pilipino an nakipaglaban kontra sa pananakop kan mga Hapones.
Nangapudan man nin sa publiko na maglaan nin oras ngani na pag-adalan an historya kan nacion ngani na mas maapresyar an mga nagbuwis ng buhay para sa nacion.
Sinabi ni Agbayani na sa presenteng panahon, an anuman na klase nin pakikipaglaban para sa malaya asin mauswag na banwaan an sarong klase nin kagitingan.
Mientras tanto, tinawan duon man kan opisyal na hasta sa ngunyan an igwang dakol na mga angat na pigkakahampang na nangangaipo nin pagpapa iral kan kagitingan.
