LEGAZPI CITY- Pinag-aadalan pa ngunyan kan Albay Electric Cooperative an mga propuesto na paramientras na pagsuspinder kan pagsasagibo nin massive disconnection activity sa tahaw kan krisis sa nacion.
Marurumduman kaya na igwang mga pangapudan na halwagan muna an pigigibong pamumutol sa mga miyembros-konsumidores.
Segun ki Albay Electric Cooperative Spokesperson Anj Galero sa intrevista kan Bombo Radyo Legazpi na kinakaipuhan pa kaini nin approval hali sa manhamiento asin board of directors.
Aminado kaya an opisyal na igwa man nin epekto sa pang kabilugan na operasyon enkasong dae magbabayad an mga konsumidores sa nakonsumo nindang kuryente.
Alagad pigkokunsiderar an nasabing propuesto sa tahaw kan presenteng krisis, pinag-aadalan pa suboot an mga posibleng lakdang.
Mientras tanto, pinayuhan man ni Galero an publiko na paramientras na magtipid sa konsumo urog na sapresenteng panahon.
