Sarong emosyonal na Senator Imee Marcos an naghampang sa publiko kan Holy Monday nganing maghagad nin tawad sa saindang namaaram na ama na si dating Presidente Ferdinand Marcos Sr. huli sa naglalalang lamat sa relasyon kan saiyang tugang na si Presidente Ferdinand “Bongbong” Marcos Jr.
Sa sarong video na iniluwas niya kasabay kan pagpuon kan Mahal na Araw, tinuga ni Sen. Imee na nagpalyar siya sa pauro-utro na pagiromdom kan saiyang ama kan nabubuhay pa ini.
Segun sa senador, aki pa sana ninda an pirmi nang pigtataram kan saiyang ama na bantayan an saiyang tugang na si Bongbong.
Pigtuga man niya na pigporbar man niyang gibohon an saiyang mandato bilang ate alagad nauli ini sa pagkairita kan Presidente saiya.
Dugang niya na may mga tawong sadyang nangraraot asin naghaharang nganing dae sinda magkaulay kan saiyang tugang.
Magigiromdomang kan nakalihis na taon, tinaram kan senadora an matinding alegasyon laban sa saiyang tugang mapadapit sa suboot salang paggamit kaini nin ilegal na droga.
Inapod ini kan Malacañang na “desperate move” asin “mere noise.”
