Kinumpirmar kan Petron Corp. an pagbakal nin nasa 2.48 million na bariles nin crude oil hali sa Russia.
An nasabing supply an magaseserbing augmentation sa saindang inventory hasta sa bulan nin Hunyo.
Nilinaw man kan nasabing koporasyon na an pagbakal kan Russian crude oil an bako parte kan saindang business-as-usual sourcing strategy.
Marurumduman na an nasabing kumpanya an may kapot kan nasa 30% kan share sa merkado sa Pilipinas asin naga-operate kan solamenteng oil refinery kan nacio.
Sinabi man kan Petron Corp. na padagos sindang nakikipag koordinar sa Departments of Energy (DOE) asin Department of Finance dapit sa nasabing pagbakal kan produkto makalihis na mangapudan an nasabing mga ahensya sa mga kumpanya nin langis na maghanap nin mga alternatibong mapagkukuwaan nin crude oil.
Dagdag pa kaini na kun magpapadagos an presenteng krisis asin kun magtenir na bako bastante an alternatibong mga crude sources, posible kaining ikonsiderar liwat an pagbakal nin Russian crude oil ngani na makadugang sa fuel supply kan nacion.
