Tulos na pigsugo ni Philippine National Police (PNP) Chief PGen. Jose Melencio Nartatez Jr. an tulos na pagsagibo nin imbestigasyon asin pagtugis sa mga suspek sa likod kan pagkagadan kan limang pulis sa Maguindanao del Sur kan banggi kan Sabado, Marso 28.
Segun sa hepe, mahigot nindang kinokondenar an pag-atake na ini asin sinabi kaini na pigkokonsidera man an pag-atake sa kabilugan kan Pambansang Pulisya.
Dae suboot mapundo an kapulisan sa paghanap sa mga salarin sa insidente asin nagpromesa na dadarahon an mga ini sa kaso.
Sa ngonian, afuera sa limang nagadan sa engkwentro, igwa man nin tolong nairido sa insidente, na preparadong suportaran kan PNP ngani na masigurado an saindang marikas na pagrahay.
Tulos man na ipinaabot kan hepe an pakikidumamay sa mga pamilya kan mga nagadan na pulis asin sinabi kaini na kun kinakaipuhan pa nin mas dakol na pwersa gikan sa mga elite units, gigibohon ninda ini nganing arestaron an mga personalidad na nasa likod kan engkwentro.
Mientrastanto, pigsierto kan hepe na sa ibong kaini, padagos man giraray na makusog an boot na utubon kan kapulisan an saindang mandato na magtao nin proteksyon asin seguridad sa mga namamanwaan asin komunidad.
 Chief PGen. Jose Melencio Nartatez Jr. the immediate investigation and arrest of the suspects behind the death of five policemen in Maguindanao del Sur on Saturday night, March 28.){kind=link}