Binantaan ni US President Donald Trump an Iran nin mas malalang mga pag-atake kun sinda magtetenir na dai akoon an saindang peace deal.
Ipig-orgolyo man ni Trump na matindi an saindang mga nakaaging pag-atake, na kadakol nang mga lider kan Iran an nagadan.
Enot digdi an nagkaigwa nin mga orolay anmga representante kan Estados Unidos asin Iran kun saen nagbugtak sinda kan mga kondisyon para sa sarong kumpletong pagtapos kan gera.
Alagad, dai nagtugot an Iran sa nagkapirang parte kan kasunduan, na pigkonsiderar kaini na sobrang agresibo asin bako pabor sa sainda.
Ipigdoon man ni Trump na dapat akoon kan Iran an kasunduan nganing dai na sinda magkaigwa nin mas seryosong problema.
