LEGAZPI CITY-Target man kan Department of Labor and Employment (DOLE) Bicol na matabangan man sa paagi kan pigbibilog na livelihood support project arog kan libreng sakay an mga nasa transport sector asin riding public.
Segun kay Department of Labor and Employment Bicol Regional Director Imelda Gatinao, sa intrevista kan Bombo Radyo Legazi na sisikapon ninda na i-direkta an saindang suporat sa transport sector orog na sa mga driver asin delivery riders na ngonian nadidifisilan huli sa padagos na paglangkaw sa presyo kan langis.
Dagdag pa niya na magpapaotob sinda nin libreng sakay asin siswelduhan kan ahensya an saindang pamamasada.
Kasabay ini kan saindang pagtabang sa construction sector, mga fresh graduate, sektor kan kababaihan, asin mga bulnerableng sector huli sa paglangkaw kan presyo kan gasolina.
Mientrastanto, apektado man kan nationwide transport strike an isinagibo nindang job fair kasuudma sa ciudad kan Legazpi, alagad nakapag-hire sinda nin 40 asin 35 pa an pigkokompleto an saindang rekisitos sa kabilugang 200 na mga aplikante.
Dagdag pa kan opisyal na sa paagi kaini, ibubulos man kan ahensya an saindang serbisyo ngani maski papano mabawasan an kadifisilan kan mga namamawaan.
