LEGAZPI CITY-Inanunsiyo kan International Olympic Committee (IOC) an saindang isasagibong pagbabago kun sain saro digdi na an mga sports na pambabae, dapat intrahan sana kan mga tunay na babae asin ipinagbabawal para sa mga transgender women.
Segun kay International Olympic Committee president Kirsty Coventry na magigin epektibo ini sa 2028 Los Angeles Olympics.
Dagdag pa kaini na an bagong polisiya, pinangenotan kan saindang mga medical experts.
Paliwanag kaini na bako patas na intrahan kan sarong bako tunay babae an pakawat para sa mga babae.
Kaiba man sa mga pinagbabawal an mga atleta na igwang “Differences in sex development” o (DSD) kun sain an hormones, genes o reproductive organs, igwang halong male asin female characteristics.
Hihigotan na ninda an kada atleta sa mga pambabaeng sports arog kan pagsasairarom sa screening sa paagi kan pagkuwa nin saliva, blood o swab sample.
An dai makapasar, dai pwedisir na mag-intra pa sa mga sports na warang sexual classification
