Mahigot na babantayan kan Bureau of Immigration (BI) ang mga eropuerto asin pantalan laban sa mga aktibidad nin human trafficking kasabay kan piglalaomang pagbuhos kan mga pasahero sa Semana Santa.
Segun ki BI Deputy spokesperson Melvin Mabulac, pag siring kaining panahon may mga pagpoporbar nin human trafficking.
Ini an rason kaya ginibo an Immigration Protection and Border Enforcement Section (I-PROBES) kan ahensya nganing mahigot na makilatis ang mga Pilipinong nagbabiyahe paluwas kan nacion.
Siring man parte an bureau kan Inter-agency Council Against Trafficking (IACAT) na nasusugong imbestigaran an mga kaso nin human trafficking na ipigrarani sa opisina.
Mientrastanto, kasabay kan piglalaomang pagdagsa kan mga pasahero sa Holy Week, ipagbabawal kan bureau ang leave sa saindang personnel sa nasabing period.
Pagiromdom man kan BI sa mga pahale na pasahero na mag-abot nin amay o tulong oras bago an departure nganing malikayang mahudyan sa biyahe o flights.
