LEGAZPI CITY-Posibleng dai na kaipuhan halaton pa kan mga botanteng Pilipino an eleksiyon 2028 ngani mabusisi kun karapat-dapat na magin Presidente si Vice President Sara Duterte, huli ta magseserbi basehan suboot an impeachment case laban sa saiya.
Ipighayag ini ni House Justice Committee Chairperson asin Batangas Rep. Gerville Luistro, kun sain importante suboot na an mga makandidato para sa haralangkaw na posisyon, iyo an maipahiling an paninimbagan, na kabaliktaran kan impunity o kawaran nin paninimbagan.
Tinawan doon kan kongresista na dapat bantayan kan publiko an proseso kan impeachment, orog na nagpahayag na si VP Sara kan saiyang intensyon na magkandidato bilang Presidente sa eleksiyon 2028.
Poon Marso 18, idineklara kan komite na igwang bastanteng basehan an duwang natatadang reklamo asin itinakda an pormal na pagdangog o hearing sa aldaw nin Miyerkules, Marso 25, 2026.
