Nagtuga liwat an Bulkang Kanlaon ngonian na Sabado, Marso 21, 2026, makalihis na magpoon an ash emission mga alas 5:58 nin aga, na nagkrear nin abo na panganuron na uminabot sa 500 metros hale sa bunganga asin lum drift pasiring sa timog-kanluran.
Segun sa Phivolcs, nagtitinir sa Alert Level 2 an bulkan na nangangahulugan na igwang katamtaman na lebel nin aktibidad asin posibleng biglang mag-alburuto kun kaya mahigot na ipinagbabawal an paglaog sa laog kan 4-kilometer Permanent Danger Zone.
Nairehistro man kasuodma, Marso 20, an duwang ash emission events na naglawig nin mga duwang oras asin limang volcanic earthquakes, mantang an sulfur dioxide emissions an nasa pagultanan nin 434 sagkod 2,021 tonelada kada aldaw.
Padagos an pakikipagkoordinar kan Phivolcs sa mga lokal na gobyerno nganing masyerto an kaligtasan kan mga residentes, orog na sa timog-kanlurang parte kan Negros na posibleng maapektaran kan ashfall.
Apwera kaini, pigbabantayan man kan Phivolcs an mga development sa bulkang Mayon, Mt.Bulusan asin Taal na gabos aktibong bulkan na permihang nagpapahiling nin mga abnormalidad.
