Nangapudan si Sen. Risa Hontiveros na ibale man an mga transport cooperatives sa ayuda kan gobierno nganing masimbagan an naghahalangkaw na presyo kan krudo kawsa kan padagos na tensyon sa Middle East.
Segun sa opisyal presenteng warang tabang na napapaduman sa mga kooperatiba, kaya dakol na driver ang dae makapasada urog na kan ipagpaliban ang planong taas-pasahe.
Sinabi ni Hontiveros na dapat suportahan an gabos nin transport service providers, bako sana an mga indibidwal na nasa krisis, nganing malikayan an pagka-paralisa kan pampublikong transportasyon sa nacion.
Dugang pa niya an ayuda an dapay mapaduman sa gabos nin klase kan PUV drivers, maski dae sinda kabale sa pinakatios, huli sa kaipuhan ninda nin tulos na kadugangang ganansya.
Bilang tugon, naghagad siya sa Department of Budget and Management (DBM) na pag-adalan kun pano maipapagamit an P30 billion pondo kan Department of Social Welfare and Development (DSWD) sa programa kaining Assistance to Individuals in Crisis Situation (AICS), pati naman an suporta sa saiyang propwestong supplemental budget na P52.8 billion. Kabale digdi an P12 billion transport subsidy para sa mga PUV drivers, delivery riders, asin TNVS drivers.
