LEGAZPI CITY-Nakumpiskar kan mga operatiba an iligal na bentahan nin produktong petrolyo sa isinagibong operasyon sa Barangay Maipon, Guinobatan, sa banwaan kan Albay.
Segun ki Albay Police Provincial Office Provincial Director Police Colonel Noel Nuñez, sa intrevista kan Bombo Radyo Legazpi na apat na indibiwal an naaktuhan asin naarestar sa lugar asin maabot sa 500 liters nin langis.
Dagdag pa kan opisyal na nag-abot sa 500 liters an nasamsam na langis na haros nagkakantidad nin nasa P2.3-Milyon.
Nakuwa sa mga suspek an mga ebidensya kabale an kwarta, safe envoy, asin fuel dispenser na ginamit para sa iligal na pagpapabakal nin produktong petrolyo.
Pigpreparar na man an kaso kan mga suspek sa Guinobatan Municipal Police Station.
Sinabi man kan opisyal na nangyari an bentahan makalihis an sitwasyon sa Middle East na pigsamantala kan nabanggit na grupo.
Huli digdi, nagtao na nin mga guidelines an mga kapulisan sa mga negosyante asin gasoline station ngani maibitaran an mga pagsasamantala.
Padagos man an saindang pagbabantay ngani maibitaran an panic buying, fuel hoarding, asin an bako kompromisong fuel pricing sa mga gasoline station.
