Kinalampag ni Senador Sherwin Gatchalian an Energy Regulatory Commission (ERC) na harangon an dakulang paglangkaw kan presyo kan kuryente asin masyerto na iimplementar ini sa pautay-utay nganing dai mabigla an mga ordinaryong konsumidores.
Sa sarong pahayag, nanindugan an mambabatas na dapat istriktong bantayan kan komisyon an electricity rates sa nasyon asin dagos na ipagbawal an sistema nin one-time, big-time rate increases kan mga distribution utilities.
Segun ki Gatchalian, sarong praktikal na solusyon an luway-luway na implementasyon kan rate increase na babarangaon sa nagkapirang billing cycles ngani na maibsan an epekto kaini sa publiko.
Pigpagirumdom kan senador na sarong regulated industry an sektor kan enerhiya.
Huli kaini, pigduon niya na an pangenot na mandato kan ERC iyo an maghiro, magin vigilante, asin protehiran an mga taumbayan laban sa bako makatarungan na mga babayadan na orog pang nagpapagabat sa urualdaw na gastos kan mga Pilipino.
Sa irarom kan eksistidong Electric Power Industry Reform Act (EPIRA), limitado an kapangyarihan asin interbensyon kan gobyerno sa direktang pagbugtak kan presyo kan kuryente sa merkado.
Sa ibong kaini, piglinaw ni Gatchalian na igwa man giraray nin kapangyarihan an gobyerno na mamagitan asin maggibo nin magkakanigong lakdang, partikularmente kun an mayor na rason kan paglangkaw kan presyo iyo an kakulangan sa supply nin enerhiya.
 to curb the huge increase in electricity prices and ensure that it is implemented in stages so that ordinary consumers are not surprised.){kind=link}