LEGAZPI CITY—Nagresulta sa pagkakaarestar kan sarong pedicab driver makalihis kaining tamaan nin gapo asin tamaan sa may parteng mata an saiyang kapwa pedicab driver sa Barangay 1‑Em’s Barrio, Legazpi City.
Segun ki Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi, an biktima sarong 59-anyos mantang 52-anyos an suspek; parehong residente kan nasabing lugar.
Nangyari an insidente makalihis na magkaigwa nin dae pagkakasinabutan an duwang indibdwal sa pigpaparadahan nin mga pedicab.
Nahahampang an suspek sa kasong less serious physical injuries asin may piyansa na P3,000.
Segun sa opisyal na sa nguyan nakapagpiyansa na an suspek asin nakatalaang magkundusir nin hearing.
Nagpagiromdom man si Tapel na likayan an pagigin mainiton nin payo asin magin mahinahon sa anumang sitwasyon nganing maibitaran an siring na insidente.
