Pigbasura na kan Sandiganbayan an motion for reconsideration ni Senador Jinggoy Estrada sa saiyang mga kaso na may kinaaraman sa suboot bako tama na paggamit kan Priority Development Assistance Fund (PDAF).
Segun sa Sandiganbayan, dae man kaipuhan an mosyon ni Estrada.
Sa resolusyon, sinayumahan kan Sandiganbayan Fifth Division an isinangat na mosyon ni Estrada kan Pebrero 16, na naghahagad nin orden para sa trasmittal kan preliminary investigation records hale sa Office of the Ombudsman pasiring sa korte.
Hinagad ni Estrada sa korte na baliktadon an inisyal kaining desisyon na binasura an nasabing kahagadan.
Sa saiyang mosyon, nanindugan si Estrada na kinakaipuhan an preliminary investigation records huli ta gagamiton niya ini sa cross-examination kan mga testigo na iprinesentar kan co-aacused.
Alagad sinabi kan Sandiganbayan na dae na ini kinakaipuhan huli ta aminado an ibang akusado na dae sinda personal na nakakaaram o nagkaigwa nin anuman na transaksyon sa mga akusado na may kinaaraman sa mga PDAF projects na sentro kan mga nasabing kaso.
.){kind=link}