LEGAZPI CITY—Pigsierto kan Department of Labor and Employment na makakaresibe man liwat nin tamang pasweldo an mga empleyado kan pribadong kompanya en kaso ipapaotob an four-day work week o compressed workweek sainda.
Ini sa ibong kan pagkahadit kan nagkapirang obrero sa work overtime huli sa mababawasan suboot an saindang aldaw sa pagtrabaho.
Segun ki Department of Labor and Employment Bicol Regional Director Imelda Gatinao, sa intrevista kan Bombo Radyo Legazpi, an pighihiling ninda iyo an work render sa laog nin sarong semana, kaya kun anom na aldaw sa sarong semana ma-render sa trabaho o 48 hours per week na ico-compressed, an wara dapat na pagbawas sa saiyang sweldo huli sa parehong oras man liwat an saiyang ire-render.
Piglinaw niya man na an flexible work arrangements an dapat man giraray na magsunod sa labor standards kaya itatao man liwat an karapat-dapat na sweldo asin benefits para sa mga empleyado.
Nilinaw kan opisyal na dapat magkasundo an employer asin empleyado sa siring na setup.
Mawort man ipaaram ni Gatinao na an siring na work arrangements an dapat may magkakanigong reporting sa saindang ahensya huli sa sainda ining ipigmo-monitor.
