LEGAZPI CITY – Nagpasalamat an mga opisyales kan Barangay Maoyod, Legazpi City sa mga otoridad sa pagkakadiskubre kan sarong drug den sa saindang lugar asin an pagkaka-arestar kan 3 indibidwal na imbwelto sa ilegal na droga.
Segun ki Barangay Kagawad Edgar Bismonte sa intrevista kan Bombo Radyo Legazpi na kadaklan sa mga nagsusumbong sa sainda sa mga residente nindang naggagamit kan ilegal na droga iyo an saindang mga magurang alagad natatakot an mga ini na magdulok sa mga otoridad.
Dakulon man sindang nareresibing impormasyon na an harong kan saro sa suspetsado an haloy nang pigdudumog kan bako man ninda mga residente na nadakop na pwedesir suboot na nagpa-pot session.
Pigdoon man niya na may mga pigsasagibo man sindang lakdang asin aktibidad na magbago an mga ini sa paggamit asin pagpapabakal kan ilegal na droga nganing mabago an saindang mga buhay.
Pigtaram pa kan opisyal na maski nadakop na an mga suspetsado an dae pa man syerto kun mapupugo na an presenya kan ilegal na droga sa saindang Barangay.
Alagad sa ibong kaini an positibo sinda na magkakaigwa nin magayon an ginibong lakdang kan mga otoridad nganing madakop an mga nagsasagibo nin ilegal na kalakaran.
Pangapodan niya man sa mga illegal drug user na magpundo sa saindang mga salang gawi huli ta dae sinda mapundo sa pagmanman nganing ipadakop sinda sa magkakanigong mga law enforcement agencies.
