Naglansar an Israel nin mga panibagong pag-atake sa Lebanon asin Iran sa ikapitong aldaw o sarong semana ng giyera sa Middle East.
Kinumpirmar kan Israeli Defense Forces (IDF) na naglansar sinda nin mahewasan serye nin strikes sa Beirut sa nakalihis na magdamlag target an sites kan Hezbollah.
Kabale digdi an command centers asin multi-story buildings sa kabisera siring man sa pasilidad kun sain nakaimbak an drones kan militanteng grupo, na piggagamit para sa saindang terror attacks sa mga tropa asin estado kan Israel.
Susog sa Israeli Defense Forces nasa 26 serye na nin strikes an saindang inilansar sa Dahiyeh area kan Lebanon, na kadaklan na nag-iistar digdi an Shia Muslim.
Huli kaini naghalangkaw pa an death toll hale sa mga paga-atake kan Israel sa Lebanon ngunyan na semana na nag-abot sa 123 katawo, mantang 683 an irido, basado sa datos hale sa Lebanese Ministry of Public Health.
