LEGAZPI CITY—Naka-full support an sarong magurang gikan sa Ligao City para sa saiyang 12-anyos na aki na nagpapartisipar sa pagkawat nin chess katakod kan nagpapadagos na Palarong Bicol 2026 sa Legazpi City.
Segun sa magurang na si Al Baleda sa intrevista kan Bombo Radyo Legazpi, na magtitinir siya sa venue asin madapagos an pagsuporta sa saiyang aki na si Clyde antes na matapos an chess tournament.
Mensahe man niya sa aki na magigin maogma sinda manggana man o madaog ini huli sa ipigpapahiling niya an gabos bilang sarong atleta asin pigsusunod an mga istratehiya na ipigtutukdo saiya kan saiyang coach.
Tinawan-doon man ni Baleda na kinakapuihan an teamwork kan coach, magurang asin aki nganing magin matrayumpo an kawat asin makaguno nin medalya.
Pig-engganyar man niya an kapwa mga magurang na suportaran an mga hilig kan saindang mga aking atleta kun saen sinda maogma huli sa tibaad sarong aldaw magin representante sinda kan Kabikolan magin kan nacion.
