LEGAZPI CITY-Posibleng maghampang an mga motorista sa panibagong taas-presyo sa produktong petrolyo sa masunod na semana.
Ini sa tahaw kan pahayag kan Department of Energy (DOE) na limitado sana an epekto kan sigalot sa Middle East sa pankinabang suplay nin langis.
Segun kay Rino Abad, director kan Oil Management Bureau kan DOE, wara suboot na report na igwang mga naraot na oil production facilities sa Iran sa tahaw kan mga military attack kasunod sa tensyon na kinaiimbueltuhan kan Estados Unidos asin Israel.
Ipinaliwanag niya na mga military target asin nuclear-related infrastructure sana an natamaan, asin dai naapektuhan an kakayahan kan Middle East na mag-export nin langis.
Sinabi ni Abad na ikinakahandal suboot an hanay kan mga shipping operator, na nagreresulta sa pagkaantala sa delivery kan langis.
Huli sa delay sa shipment, piglalaoman na malangkaw an presyo kan gasolina, diesel, asin kerosene poon saaga.
Sa pagtataya kan ahensya, posibleng maglangkaw an presyo kan langis sa pankinabang merkado nin $5 hasta $10 kada barrels.
Katumbas ini kan humigit-kumulang 30 sentimos kada litro sa kada $1 na paglangkaw.
Kun magpapadagos an paghiro kan presyo, posibleng mamatean kan mga konsyumer an kabilugang epekto sa laog nin duwa hasta tulong semana o posibleng magabot sa P3 kada litro an dagdag-presyo.
