Kumpiyansa an Deputy Prosecutor kan International Criminal Court (ICC) na madadagos sa full trial an crimes against humanity charges laban ki dating Presidente Rodrigo Duterte.
Kasunod ini kan pagtatapos kan apat na aldaw na pagdangog sa kumpirmasyon kan kaso kan dating Presidente sa ICC Pre-Trial Chamber I.
Segun ki Deputy Prosecutor Mame Mandiaye Niang, nakapagpresentar nin evidencia an saindang lado asin an kadaklan kaini igwa nin kinaaraman sa mga speech hale mismo sa dating Presidente.
Dugang pa na ipinaliwanag kan Deputy Prosecutor na para sa kumpirmasyon kan kaso, kaipuhan sana nindang magtao nin supisyenteng basehan nganing magtubod asin pigduon na bako pa ining parte kan paglilitis.
Nanindugan man an ICC Prosecutor na igwa nin supisyenteng ebidensya nganing tubudan na an mga akusasyon na saindang inaakusar sa dating Presidente an rasonable asin bako maluyang akusasyon.
Tinawan man nin duon ni Niang na kaipuhan na ipadagos sa trial an kaso laban sa dating Presidente sa ibong kan pagkwestyon kan depensa sa kredibilidad kan mga testigo o an saindang mga discrepancy, bagay na dai dapat konsideraron kan mga ICC judges sa puntong ini.
Ineksplikar man kan Deputy Prosecutor na dae pa nasasairarom sa cross-examination an mga testigo, huli ta gigibuhon sana ini sa mismong trial.
Mientrastanto, sa lado man kan depensa, naenot nang ipighayag ni defense lawyer Nicholas Kaufman nagtutubod siya na an mga hukom kan ICC Pre-Trial Chamber I magibo nin desisyon base sa ebidensya.
Piglalaoman na mailuluwas an ruling kan Chamber sa laog nin 60 aldaw.
 is confident that the crimes against humanity charges against former President Rodrigo Duterte will proceed to full trial.){kind=link}