Pigkwestyon kan kampo ni Duterte an rarom asin katotohanan kan iprinesentar na ebidensiya kan prosekusyon, partikular na an mga alegasyon na widespread o sistematiko an serye nin panggagadan sa Davao City.
Durante kan pagdangog, mahigot na pinahimutikan kan abogado kan defense counsel, na pigtutukdo na an Count 1 kan kaso sakop sana an siyam na insidente nin paggadan sa sarong siyudad.
Tinawan man nin atensyon kan depensa an mga pahayag na ginibo kan representante kan prosekusyon na si Ms. Robin Kraft, na nagtatakod sa sarong quarry site bilang saro suboot na mass grave.
Segun sa depensa, igwa nin supisyenteng panahon asin oportunidad an mga awtoridad kan Pilipinas na magsagibo nin hararom na imbestigasyon poon kan maibalik an judicial warrant, alagad dae suboot ini nagtao nin anuman na solidong ebidensya.
Segun sa kampo kan depensa, an solamenteng basehan na ginamit kan prosekusyon sa nasabing isyu iyo an sinabi ni dating Senador Leila de Lima sa sarong Senate Committee.
Manungod ini sa pagkadiskubre nin nagkapirang labi na posibleng pagsasadiri kan mga soldadong Hapon durante kan World War II, asin bako hale sa mga biktima kan soboot mga extrajudicial killings.
Tinuyaw man kan abogado an pahayag kan saro pang testigo na nagsabi na an mga bangkay na pigtapok sa dagat kan Davao, na pigladawan kan depensa bilang sarong outlandish assertion o kaduda-dudang alegasyon.
Ipigdoon kan depensa maski pa halukayon an enterong gulf, wara nin anumang ebidensya na nagluwas nganing patunayan an siring na mga alegasyon.
