LEGAZPI CITY-Nagin matoninong an komemorasyon kan ika-40 anibersaryo kan EDSA People Power Revolution sa probinsya kan Sorsogon.
Segun kay Sorsogon Police Provincial Office Public Information Officer Police Major Arwin Destacamento sa intrevista kan Bombo Radyo Legazpi na haros wara sindang nairehistro na mga protestante o mga nagkondusir nin rally sa probinsya kan Sorsogon afuera sa mga religious groups na nag-komemorar sa ciudad.
Inatendiran ini kan mga estudyante asin paratukdo kan Saint Louise De Marillac na nag-martsa sa sentro kan Sorsogon.
Sinabi ni Destacamento na nagkaigwa nin peaceful walk asin prayer rally.
Nakipag-koordinar man sa mga LGU asin local police station para sa saindan seguridad kun sain nagkaigwa man nin pag-martsa an dioceses para sa sarong prayer walk asin holy mass sa cathedral.
Nag-latag man nin nasa 100 na mga PNP personnel ngani magbantay sa lugar para sa mga protestante na warang mga permit.
Mientrastanto, nagkondusir man an mga kapulisan sa probinsya kan Sorsogon nin sarong outreach program asin community engagement sa paagi kan Zumba dance break, Agricultural fair, asin iba pa para sa mga komunidad.
