Pinahimutikan kan Philippine Navy na miyembro kan Philippine Marine Corps (PMC) an apat sa 18 mga ipig presentar na suboot bagmen na naghatod nin male-maletang P805 billion na kickbacks ki Presidente Ferdinand Marcos Jr., dating House Speaker Martin Romualdez asin dating Congressman Zaldy Co.
Sa sarong statement, nilinaw ni Navy spokesperson Captain Marissa Arlene Martinez na basado sa official records, dae naging miyembro kan Philippine Navy o PMC an apat na indibidwal na ipinabisto sa sarong press conference na pinangenotan ni Levito Baligod.
Mantang mayorya sa mga ini an “discharged dishonorably,” mantang an nagkapira an nagretiro na igwang “good standing.”
Pag-abot man ki Orly Guteza, tinawan duon ni Capt. Martinez na nagretiro na hali sa serbisyo si Guteza puon Hunyo 2020 asin wara na ini sa irarom kan hurisdiksyon kan Philippine Navy.
Pinagirumduman man kan Navy an publiko na iberipika an kredibilidad asin kun tama an impormasyon na nareresibe kaibanan na an source asin platform na pigagamit ngani na maibitaran an salang impormasyon.
Mientras tanto, nanindugan man an Navy official na magtetenir an saindang lado na propesyunal, disiplinado asin non-partisan organization na dae makokompirmiso an saindang integridad asin reputasyon.
