LEGAZPI CITY – Ipapadagos na liwat ngonian na taon an konstruksyon kan Binitayan Bridge sa Barangay Binitayan, Daraga, Albay makalihis na i-terminate an kontrata kan dating kontraktor kan proyekto.
Segun ki Punong Barangay Michael Rodrigueza sa intrevista kan Bombo Radyo Legazpi na nakatalaan na punan an konstruksyon sa oras na isinairarom ini sa re-bidding kun sain nagin basehan sa pagterminate kan naenot na kontrata iyo an pagigin delayed an pratabaho kan proyekto.
Paghistroya niya pa na labing perwisyo an pigkawsa sa sainda kan dating contractor huli ta pinabayaan sana suboot na nakatiwangwang na delikado urog na sa mga residenteng hararani sa tulay.
Sa ibong kaini an padagos an saindang pagbabantay sa mga winalat na materyales sa duterte highway nganing maibitaran an presensya kan mga mararaot na elemento na magkakaigwa nin interes partikularmente na sa mga bakal.
Kahagadan man kan opisyal na mapunan na sa lalong madaling panahon an an konstruksyon kan Binitayan Bridge nganing mapakinabangan na ini kan kataraid nindang Barangay.
Nagmamawot man si Rodrigueza sa saiyang mga residente na pagpasensyahan asin sabuton an nangyayari sa saindang tulay huli sa mga isyung nagruruluwasan dapit digdi asin ipaubaya na sa Department of Public Works and Highways an pagpapatapos kan konstruksyon.
