Inihayag kan kampo ni dating Presidente Rodrigo Duterte na handa na ini para sa confirmation of charges hearing sa hampang kan International Criminal Court (ICC) ngonian na Lunes nin hapon.
Segun sa saiyang abogado na si Atty. Nicholas Kaufman, an saiyang depensa matao sana nin opening statement antes magpoon an prosekusyon na magpresentar kan saindang ebidensya.
“The defense only has to make an opening speech. In the afternoon, I anticipate the prosecution will begin its presentation of the evidence,” ani Kaufman sa isang panayam.
Base sa nakatalaan na schedule kan ICC, babasahon ngona kan Pre-Trial Chamber I an mga kaso na isinangat kontra sa dating Presidente.
Dae na ma-atendir nin personal si Duterte makalihis na tugutan kan korte an saiyang kahagadan na i-waive an saiyang personal na pag-atendir sa hearing.
Makalihis na basahon an mga kaso, an mga ICC prosecutors, arog kan mga ommon legal representatives of the victims (CLRVs), asin an defense team magpapaluwas kan saindang kanya-kanyang mga opening statement.
Apwera kaini, nakatalaan man an mga masunod na hearing sa Pebrero 24, Pebrero 26, asin Pebrero 27.
Sa mga masunod na aldaw, piglalaoman na ilalahad kan prosekusyon an saindang mga evidencia, na iyo an sisimbagon kan kampo ni Duterte.
Sinabi man ni Kaufman na dai niya kaipuhan an dakulang input gikan sa dating presidente para sa saindang estratehiya sa depensa.
Magigirumduman na kinasuhan kan ICC Prosecutor si Duterte nin 49 kaso nin murder asin attempted murder katakod kan pig-implementar kaining ‘war on drugs’.
Alagad, ipigdoon kan prosekusyon na mas dakula an bilang kan mga biktima sa laog kan panahon na sakop kan kaso.
Base sa record kan gobyerno, poco mas o menos 6,200 drug suspects an nagadan sa mga operasyon sa kampanya kontra droga durante kan administrasyon ni Duterte.
Alagad, segun sa nagkapirang human rights organizations, posibleng umabot sa 30,000 an kabilugang bilang kun ibale an soboot dae nairehistrong related killings.
Sa confirmation of charges hearing digdi hihimayon kan hukom kun igwa nin ”substantial grounds” o supisyenteng basehan nganing ipadagos an kaso sa sarong full-blown trial.
 this Monday afternoon.){kind=link}