Nagpaluwas nin sarong abiso an mga oil industry sources na malangkaw liwat an presyo kan mga produktong petrolyo sa Martes, Pebrero 24, 2026.
Susog sa inisyal na estimates, magpapaotob an mga oil companies sa nasyon nin paglangkaw kan presyo.
Piglalaomang mahalangkaw nin P0.40 sagkod P0.60 kada litro sa Gasoline, P1.00 sagkod P1.20 kada litro sa Diesel mantang P1.00 sagkod P1.20 kada litro sa Kerosene.
An panibagong paglangkaw an parte kan serye nin sunod-sunod na oil price adjustments basado sa mga hiro kan presyo sa pangkinabang merkado.
Segun sa mga analysts, an paglangkaw kan presyo kan langis an huli sa mas halangkaw na demand asin padagos na geopolitical tensions sa nagkapirang parte kan kinaban.
Piglalaoman na madudugangan liwat an mga gastuson para sa mga motorista asin transport groups, mantang direkta man na maaapektaran an household na naggagamit nin kerosene.
Huli kaini, liwat na nangapodan an nagkapirang sektor para sa mas makusog na fuel subsidy programs nganing maibsan an epekto sa mga ordinaryong namamanwaan.
