Nagpaluwas nin desisyon an US Supreme Court na ilegal an pagpataw ni President Donald Trump nin taripa sa manlaen-laen na nasyon.
Sa majority decision na ipinaluwas ni Chief Justice John Roberts, anom na judges an nagboto pabor asin tolo an nagkontra manungod sa desisyon ni Trump.
Nakasaad digdi na dapat igwa nin authozation an US Congress antes iimplementar ni Trump an nasabing taripa.
Poon kaya kan Disyembre 14, nakakolekta an federal government nin mga $134 bilyon na ganansya gikan sa mga taripa na saindang nakolekta gikan sa labi 310,000 na manlaen-laen na mga importer.
Magigirumdoman na nagpataw si Trump nin mga taripa na sagkod sa 145% sa China kan 2025.
Nagkapirang nasyon man an tinawan nin oportunidad ni Trump na i-adjust an saindang mga taripa na ipigpapataw sa mga produkto kan Estados Unidos nganing dai man ninda dagdagan an mga taripa na ipinaotob.
