Pormal nang nagsunad kan saiyang counter-affidavit sa Department of Justice (DOJ) si dating Department of Public Works and Highways (DPWH) Secretary Manuel Bonoan kan Lunes katakod kan pigkakahamoang kaining reklamong plunder.
Sa sarong interview, kinumpirmar ni Bonoan an pagsusumiter kan saiyang simbag sa mga akusasyon.
Kabale sa mga respondents sa nasabing reklamo sinda Senator Jinggoy Estrada, asin mga dating opisyal kan DPWH na sinda Undersecretaries Maria Catalina Cabral asin Roberto Bernardo, Regional Director Gerard Opulencia, asin District Engineer Henry Alcantara.
Segun ki DOJ Spokesperson Atty. Polo Martinez, ang kaso an nagsasaklaw sa suboot acquisition of ill-gotten wealth na nagkakantidad nin labi sa P50 milyon na nakua sa paagi kan serye nin mga transaksyon.
Sa ibong kan nakabanderang Immigration Lookout Bulletin Order, inihayag ni Bonoan na plano niyang magbalik sa Estados Unidos.
Kinumpirmar man kaini na nakapagpaaaram na ini asin tinugutan siya.
Magigiromdomang naghale si Bonoan pasiring sa US kan November 2025 nganing ibahan an agom sa sarong medical procedure asin nagbalik sa nacion kan January 18, 2026.
Pinahimutikan ni Bonoan an paratang na nagresibe siya nin labi P2 bilyong kickbacks hale sa proyekto kan gobyerno.
