LEGAZPI CITY – Nagtalima na man an konseho kan Barangay Mayao, Oas, Albay sa Anti-Epal policy na ipina-otob kan Department of the Interior and Local Government (DILG) sa enterong nacion.
Magigirumduman kaya na sa irarom kan Memorandum Circular No. 2026-006, pigsugo an gabos na lokal na gobyerno asin opisina kan DILG na tulos na halion an mga pangaran, ladawan, logo, slogan, asin anuman na simbolo kan mga opisyales sa mga proyektong pinondohan kan gobyerno.
Segun ki Punong Barangay Gogo Relao sa intrevista kan Bombo Radyo Legazpi na tinanggal na ninda an mga pangaran asin pandok kan mga opisyales kan giobierno na nakabugtak sa saindang service vehicle siring man an mga poster kan mga ini na nakakabit sa saindang lugar.
Punto niya na kaipuhan na mag-comply an gabos nganing malikayan an anumang klase nin penalidad na pwedesir ipataw kan DILG.
Kahagadan man ni Relao sa saiyang mga residentes na permihang magsunod sa ipigbababa na kasuguan asin ordinansa kan gobierno nganing mamantenir an pagkakasararo asin move on na suboot sa mga bagay na makakakulog sa saindang sadiri.
 nationwide.){kind=link}