Liwat na nagpauran nin missiles asin drones an Russia kontra sa Ukraine.
Sinabi ni Ukraine President Volodymyr Zelenskyy, na an pigigibo kan Russia an pagpapahiling sana na bako ini interesado na magkaigwa nin matoninong na pag-oolay.
Ipigtalaan kaya sa masunod na semana kan Estados Unidos an pag-oolay sa pagultangan kan Russia asin Ukraine.
Nagpahayag nin kamawotan na mag-atendir si Zelensky alagad nagduduwa-duwang isip an Russia.
Nagpadara man nin representante an Ukraine sa pag-oolay na pwedesir na gibuhon sa Miami o sa Abu Dhabi, United Arab Emirates.
Marurumduman na nagkapirang beses ng nagsagibo nin pag-oolay an Estados Unidos makalihis an haros apat na taon na pagsakyada kan Russia sa Ukraine.
