Nagsakat pa sa haros 796,000 na mga Pilipino, kaibanan na an mga paratukdo asin mga estudyante an nakapagtapos sa training sa Artificial Intelligence (AI) sa irarom kan AI Ready ASEAN Programme.
Ini an nagin sentro kan report kasabay kan pakikipartisipar kan Department of Education (DepEd) sa 3rd Regional Policy Convening sa Pasig City.
Huli sa positibong resulta, target ngunyan kan DepEd na mas pakusugon pa an pakikipagtabangan sa mga nacion na miyembro kan Association of Southeast Asian Nations (ASEAN).
Obheto kan pinakusog na kolaborasyon na maparikas an integrasyon asin paggamit nin AI sa sektor kan basic education sa nacion.
Segun sa ahensya na an paggamit kan nasabing teknolohiya an pinaglalaoman na makakatabang ngani na magin mas epektibo an pagkanuod kan mga estudyante.
Pighihiling man ining solusyon ngani na mapagaan an administrative tasks asin urualdaw na trabaho kan mga paratukdo.
