Kinumpirmar kan Department of Foreign Affairs (DFA) na warang Pilipino na nadamay sa nangyaring suicide bombing sa sarong mosque sa Islamabad, Pakistan.
Ini an basado sa pakikipag koordinar kan ahensya sa nasabing nacion.
Mahigot man an pigigibong monitoring kan embahada kan Pilipinas sa Pakistan sa sitwasyon sa lugar.
Sinierto man kan DFA na itatao an gabos na tabang sa mga apektado kan kariribukan sa nasabing nacion.
Marurumduman na nasa 31 katawo an nagadan asin 170 an irido sa nangyaring suicide bombing sa laog kan mosque kan nakalihis na Biyernes.
