Tinanggal na ni US President Donald Trump ang video na saiyang binugtak sa social media account kaini na sarong klase nin pangraraot ki dating presidente Barack Obama asin agom na si Michelle.
Pigkonsiderar kaya kan kadaklan na sarong klase ini kan pagiging racist an ginibo huli sa ipigkonsiderar ni Trumop an mag-agom bilang mga unggoy.
Ang 62-segundo na video an naglalaman mapadapit sa dayaan suboot sa eleksyon kan 2020 presidential election.
Sa nasabing video an mahihiling an pirang mga bistong Democrats na nag-anyong hayop siring ninda New York Representative Alexandria Ocasio-Cortez, New York Mayor Zohran Mamdani asin dating Secretary of State Hillary Clinton maging si dating Presidente Joe Biden an nag-anyong unggoy na nagkakaon man nin saging.
Dumepensa ang White House sa nasabing post asin sinabing ini an sarong klase sana nin meme video kung saen inabisuhan an mga kritiko na pundohon an madagit.
Makalihos na makaresibe nin batikos hale sa nagkapirang Republican senators na kaalyado ni Trump an tinanggal man an nasabing post sa Truth Social account ni Trump.
Sinabi kan sarong opisyal kan White House na nasala sana an saro nindang staff kaya napost ini.
