LEGAZPI CITY- Dismayado Makabayan block sa nagin findings kan House Committee on Justice na insufficient in substance an impeachment complaints na ipigsunad kontra ki Presidente Ferdinand Marcos Jr.
Segun ki Act Teachers Representative Antonio Tinio sa intrevista kan Bombo Radyo Legazpi na an presidente an pangenot na responsable asin may kinaaraman sa flood control anomaly.
Nahiling suboot kan publiko kun papano maghiro an majority kan Kamara de Representantes sa paagi kan premature na pag-dismiss sa inindorso nindang impeachment complaint.
Paliwanag kaini na kun susunudon an proseso, wara pa an pagsumiter asin pagkilatis sa ebidensya na may kinaaraman sa suboot betrayal of public trust.
Huli digdi, wara suboot na batayan an pigsasabi kan mga kongresista na insufficient in substance huli ta wara pa sa punto kan pagpapatunay asin bako trabaho kan komite ngani na aramon kun tunay an mga alegasyon huli ta parte na ini kan Senado.
Dugang pa ni Tinio na garing nag-aabogado an mayorya para sa presidente.
Ngunyan pa sana suboot, nahahalata na an mawot na istorya kan Malakanyang dapit sa flood control asin nagigin selective sana an imbestigasyon huli ta padagos na igwang pigpo protehiran.
