LEGAZPI CITY- Nagkokundusir ngunyan nin evaluation an Department of Trade and Industry (DTI) Albay ngani na maaraman kun ano an pangagaipo kan mga Micro, Small, and Medium Enterprises na naapektaran kan nagpapadagos na pag-aalburuto kan bulkang Mayon.
Segun ki DTI Albay Provincial Director Noel Bunao sa intrevista kan Bombo Radyo Legazpi na posibleng makapagtao nin trainings sa mga apektado kan Mayon unrest.
Napag-araman na igwa man nin programa an ahensya na ‘Pangkabuhayan sa Pagbangon at Ginhawa Program’ kun sain pigtatawan nin starter kits an mga kwalipikadong Micro, Small, and Medium Enterprises.
Alagad nilinaw kan opisyal na igwang mga criteria na pighahanap antes magkwalipika sa nasabing programa.
Sa presente kinakaipuhan sana suboot na maisapinal an assesment ngani na maaraman kun ano an magkakanigong intervention na kinakaipuhan kan mga ini.
